做自己？

有時候唔太明白咩叫做自己
成日話唔好諗咁多人地點諗啦做番你自己啦
到我真係做我自己
係咪就真係個個都會接受？
都係個句，我都唔接受嗰個自己
我又點會覺得人地接納我

講番做自己
最近了解多咗自己
我係一個會嬲會野蠻
會妒忌，又好固執既人
同時我都好自私

全部都係唔好野。。:(
如果我做自己
係咪我可以做一個咁既人？

諗得偏激咗
但係我真係唔識點做自己？
可能因為我覺得做自己等於唔理人感受
等於自私
所以唔俾自己成為咁樣既人

成日都覺得自己好似個傻婆
眼見人地可以做自己
就妒忌
妒忌完又開始嬲自己妒忌
唉
我真係自己攞苦黎辛

不過又或者諗到尾
我就係一個會為人著想既人
咁我宜家諗咁多就係做緊我自己呢？
我就係一個想改自己啲唔好野既人呢？
唔知咁諗啱唔啱，又或者我只係美化咗自己既行為

唉。。算啦！
我宜家只係想開心啲